20.05.2019
Köçəri Həsənov, Azərbaycanın “Sofitex” özəl şirkətinin direktoru
Şirkət kənd təsərrüfatı avadanlıqlarının istehsalı sahəsində ixtisaslaşıb və artıq 4 ildir ki, Bakıda istehsal fəaliyyəti ilə məşğuldur. Mən “WorldFood Azerbaijan” sərgisini ilk dəfə ziyarət edirəm və müştəri axtarışı ilə yanaşı, aqrar sektorun inkişafı sahəsində qlobal yeniliklər ilə tanış olmaq niyyətindəyəm. Xüsusilə, biz məhsulları (daha doğrusu pomidoru) sahədən topladıqdan sonra onları soyutmaq üçün müstəqil şəkildə hidro-kuller (soyuducu) hazırlamışıq, bu texnologiya ilə fəxr edirik və sərginin gedişində onu maraqlanan şirkətlərə təklif edirik.
Öz növbəsində, məhsulları yükləmək və boşaltmaq üçün daşıyıcı lentlər və onun üçün ehtiyat hissələr bizi maraqlandırır və biz xüsusilə RF-dan müvafiq tərəfdaşlar tapmağa ümid edirik. Biz həmçinin müxtəlif elektrik avadanlıqlarına da maraq göstəririk. Mən hesab edirəm ki, Bakıda keçirilən sərginin genişmiqyaslı olması axtardığımızı tapmağa imkan yaradacaq.
Əvvəllər mən RF-da bənzər sərgiləri ziyarət etmişəm və hesab edirəm ki, belə tədbirlər şirkətin inkişafı üçün vacibdir.
EN
RU