-Mən Modawi şirkətini təmsil edirəm və biz səhiyyə texnologiyaları üzrə ixtisaslaşırıq. Tibbi turizm platformamız mövcuddur və missiyamız pasiyentlər üçün ən doğru tibbi həlli tapmaqdır. Hədəf auditoriyamız mürəkkəb tibbi halları olan pasiyentlərdir. Bizikinci rəy xidməti, telemedisin və pasiyent ilə ailəsinin müalicə üçün seçilən ölkəyə təhlükəsiz şəkildə çatması üçün lazım olan bütün təşkilati dəstəyi təmin edirik. Dünyanın aparıcı xəstəxanaları ilə çalışırıq və yalnız DCI akkreditasiyalı xəstəxanalarla əməkdaşlıq edirik. Azərbaycanın bizdə yaratdığı təəssürat çox müsbətdir. İnsanlar burada son dərəcə qonaqpərvərdir və sərgi B2B əməkdaşlığı üçün mükəmməl platformadır. Artıq bir neçə Azərbaycan şirkəti ilə görüş keçirmişik. Onlar çox səmimi və açıqdır və biz Azərbaycan bazarında böyük imkanlar görürük. Ümid edirik ki, Azərbaycan pasiyentlərinə tam səmimiyyət və şəffaflıqla xidmət göstərəcəyik.

Bu gün sərgidə iştirakımızın ilk günüdür və təcrübəmiz çox müsbətdir. Əslində bu, sərginin ikinci günüdür və B2B görüşləri üçün ideal şərait yaradır. Azərbaycan bazarını daha yaxşı anlamağımıza kömək edən çox dəyərli insanlarla tanış olduq. Burada innovativ tibbi texnologiyaların tətbiqi üçün böyük potensial görürük. Yerli şirkətlərin əməkdaşlıq və innovativ layihələrə açıq olması bizi sevindirir. Əminik ki, birlikdə tibbi turizmi inkişaf etdirə və pasiyentlərə göstərilən tibbi xidmətin keyfiyyətini artıra bilərik. Azərbaycandakı həmkarlarımızla təcrübə və ən yaxşı praktikalardan bölüşmək bizim üçün çox dəyərlidir.

Ümid edirik ki, əməkdaşlığımız yerli pasiyentlərə və bütün regiona fayda verəcək. Bu sərgidə Omanı təmsil edən üç şirkət iştirak edir və hər biri səhiyyə texnologiyaları sahəsində fəaliyyət göstərir. Şirkətlərdən biri diş protezlərinin 3D çapı üzrə ixtisaslaşır, digəri isə əməkdaşların psixoloji sağlamlığı üçün həllər təqdim edir.