“Müəyyən səbəblərə görə 18 ay ərzində Azərbaycanda deyil idim. Buna görə də fürsətdən istifadə edərək bütün Azərbaycan xalqını tarixi qələbə və qədim torpaqlarının qaytarılması münasibətilə təbrik etmək istəyərdim! Səmimi qəlbdən ölkənizə rifah və firavanlıq diləyirəm! 44 günlük Qarabağ müharibəsi zamanı bu parlaq qələbə münasibətilə Azərbaycan xalqını şəxsən təbrik etmək üçün bu fürsəti gözləyirdim!”- deyə Caspian Event Management şirkətinin regional direktoru Edvard Stron 14-cü Azərbaycan Beynəlxalq Kənd Təsərrüfatı “Caspian Agro 2021” və 26-cı Azərbaycan Beynəlxalq Qida Sənayesi “InterFood Azerbaijan 2021” sərgilərinə həsr olunmuş mətbuat konfransı zamanı bildirdi.