“FRİGO MEKANİK A.Ş.”-nin regional direktoru. Sərdar Mustafayev:
Türkiyənin “FRİGO MEKANİK” şirkəti Azərbaycana idxal olunan sənaye soyuducu qurğularının istehsalı ilə məşğul olur. Nəticədə müştərilərimiz satış sonrası xidmət ilə soyutma sistemlərinin, kameraların, anbarların və s. quraşdırılmasına və montajına nail olurlar.
Məhsullarımız aqrar-sənaye kompleksinin bütün sahələrinə təqdim olunub. Bu sahələr kənd təsərrüfatını, qida sənayesi müəssisələrini, logistikanı, anbar təsərrüfatını və s. ehtiva edir. Məhsullarımızın 80 ölkəyə, o cümlədən Avropa və ABŞ-a ixracı təşkil olunub.
“InterFood Azerbaijan 2022” sərgisində bizi uzun illər xidmət edəcək obyektlər inşa etdirməkdə maraqlı olan yeni sifarişçilərin axtarılıb tapılması maraqlandırır. Biz həm də tərəfdaşlıq qurmaq niyyətindəyik.
“FRİGO MEKANİK” həmçinin Azərbaycanın işğaldan azad edilmiş ərazilərinin bərpası layihələrində iştirak etməyi vacib hesab edir, xüsusən əhalinin geri qayıtması və ticari-iqtisadi əlaqələrin inkişafı baxımından da aqrar-sənaye kompleksinin inkişafı prioritet sahələrdən biridir və Türkiyə Qarabağın və Şərqi Zəngəzurun inkişafında ölkəmizə hər cür yardım etməyə hazırdır. Bundan əlavə, “FRİGO MEKANİK” şirkəti investisiya qoyuluşu imkanlarını nəzərdən keçirir və birgə kapital qoyuluşlarına dair təklifləri nəzərdən keçirməyə hazırdır.
Sərgidə iştirak şirkətimizin təkcə Azərbaycanda deyil, həm də beynəlxalq səviyyədə inkişafının perspektivləri baxımından çox vacibdir.
AZ
EN
RU
ZH
